الله يخرب بيت الحمل وسنينه

أشهر جملة بتقولها الستات الحوامل ف مصر- لما تحب تتدلع على ابو العيال- وغالبا ما يسبقها خليط من الجمل اللي بيحفظوها لكل واحدة حامل : "شيل ده من قدامي مش طايقه ريحته" و "عاوزه حرنكش يا حبيبي" و "مش طايقه ريحتك روح نام عند أمك" وأشياء من هذا القبيل.........
ده الشق الاجتماعي من الموضوع نشوف بقى الشق الطبي منه :

أولا: ال 12 كجم زيادة في وزن الام وده طبعا بيأثر ع العمود الفقري والركبتين

ثانيا: متشات الملاكمة اللي بيلعبها الننوس مع جدار الرحم (الضربات ديه بتساعد على نمو الجهاز الحركي للطفل وبتساعد ف عملية الولادة)

ثالثا: الترجيع بتاع كل يوم الصبح
وده علشان الامهات اللي ما بتاكلش، الجنين ما بيهزرش ف موضوع الاكل ده هياخد حقه تالت ومتلت وبعدين يبدأ جسم الام يصوت ما هو مش لاقي غذا كفاية يبدأ بقى يكسر ف الدهون اللي متخزنة ف الجسم علشان يطلع طاقة وهنا بقى المشكلة بتتكون حاجة اسمها أجسام كيتونية "Keton Bodies" وديه بقى اس الفساد......
تروح ال"Keton bodies" ع المخ وتلخبط كام مركز كده منهم مركز الترجيع وشويه مراكز حلوة كده جمبيه يقال انها المسئوله عن الوحم" يعني الوحم مش دلع بنات ده له نظريات علمية"

رابعا: لخبطة الهرمونات عند الام بتجبلها اضطرابات نفسية عنيفة (كل نص ساعة بمود شكل)

تسلم ايدك


بس انا عندي استفسار صغنون

ليه النونو بيضرب جدار الرحم اصلا؟

النونو بتتكون عنده عضلات وبتغذيها اعصاب بس لسه كل ده ما تتطورش للدرجة اللي تخليه يتحكم ف انقباضات العضلات ديه
يعني هو مش قاصد يخبط ف مامته
ثانيا: لازم تكوني متفقة معايا ان المكان صغير حبتين فلازم يخبط يمين وشمال
والحمدلله انها مش حاجة وحشة دي ليها فوايد

ضغير ايه بس

امال التوأم يعملو ايه ده لوحدو يعني المكان بيبقى واسع اوي كمان

ما هو ساعة التوأم شوفي بطن الام بتبقى قد ايه؟
المكان فعلا صغير بس النونو هو اللي بيقى لافف حولين نفسه

تسلم ايدك يا دكتورنا

ميرسي يا دكتور على المعلومات دي

ميرسي يا اسطى احمد ع الحاجات الجامدة ديه
واحنا الحمد لله بعيد عنها

اسطى؟
الكابتن اللي اسمه عمرو يسكت خالص ويا ريت ما يدخلش القسم ده تاني
وبعدين المفروض ان سعادتك هتتجوز(بعد عمر طويل طبعا) وهتخلف ف انت مش بعيد عن الموضوع ده
وألف شكر يا جماعة اخجلتم تواضعنا

خلاص يا عم متزقش
وخلاص يا اسطى مش داخل
الورشة بتعتك ديه تاني

بص يا ابني
انا هترفع بالقسم الراقي بتاعي ده عن الرد على اعداء النجاح من امثالك
ولو رديت تاني انا هاستخدم حق الفينو بتاعي واشيل الرد

ههههههههههههههه
فينو مين ياعم

يعني انت سيبت الموضوع كله ومسكت ف رغيف العيش اللي ف الموضوع؟
بطل فجعة بقى
ههههههههههههه

هههههههههههههههههههههه
اصلا ايه اللي جاب رغيف العيش لاعداء النجاح للموضوع
كله اساسا
هههههههههههههههه

هو يقصد بفينو
كرمة فيتتو
الي هي حق الاعتراض في الامم المتحدة


بس انا يا ااسطى احمد عاوز اسأل سؤال لولبي

وزن االجنين لما بيتولد بيبقى من اتنين لـ ااربعة كيلو

ليه وزن الام بيزيد 12 كيلو

ميرسي ليك على الموضوع الجميل ده

يا اسطى عمرو وزن الام مش بيزيد وزن الجنين بس
الجنين بيبقى حواليه سائل اسمه Amniotic Fluid (ما اعرفلوش ترجمة بالعربي) السائل ده بيبقى وزنه من 1.5 -2 كجم
المشيمة The Placentaوزنها 1.5 كجم
الحبل السري وكل اللي جواه
ده غير ان الحمل بيزود الشهية عند الامهات علشان توفر المواد الغذائية الضرورية للجنين

ميرسي اولا على ردك

Dr.7MDYTOV كتب:يا اسطى عمرو

ايه اسطى ديه؟؟؟
يعني انا محترمك من اول الموضوع
وعمال اقولك يادكتور...يا دكتور
وأنت جي تقولي يا اسطه