رد: I'M OUT,,,,,,,,

من طرف 50cent الخميس يوليو 23, 2009 4:21 am

عمرو

من طرف **Mr.hop** الخميس يوليو 23, 2009 4:57 am

بص يا عمرو لو انتا هتسيب المنتدى على شان انتا داخل 2 ثانوى عام ولازم تنتبه لدروسك اوكـ لكن انك تسيبوا كدة ومش تبقا مسئول عنوا دة مش هينفع ومتهيقلى ما فيش حد يقدر يعمل الى انتا عملتوا فى المنتدى دة ولا اية يا جماعة؟؟؟؟

من طرف **love in hearts** الخميس يوليو 23, 2009 5:06 am

عندك حق

من طرف **@Boss~OF~Pirates@** الخميس يوليو 23, 2009 6:18 am

[b][i][u]

بصوا يا جماعة انا عارف ان ردي هيكون على عكس توقعات كله اصل كله هيحسبني داخل اقول لا خليك يا عمرو وكده بس كل اللي قال كده بص لمصلحة المنتدى ونسي ان عمرو راجل داخل الثانوية يعني لازم يكون مشغول بالمذاكرة بس وانا مش زعلان من عمرو انه يسيب المنتدى عمرو يا جدعان للي مش عارفه راجل داخل ثانوي مش عشان يدخل كلية عادية عمرو راسم على كب يعني وده محتاج منه مذاكرة جامدة ودماغ فاضية فلازم نحترم عمرو الراجل عمل اللي عليه لحد اما خلاص مبقاش ينفع لازم كلنا نحيي عمرو على اللي عمله وندعيله في الثانوية ونشوفه دكتور وساعتها يبقى dr.mero وكلنا نبقى فرحانين بيه

دي اول حاجة الاجة التانية اني هسيب المنتدى بس مش هسيبه خالص هبقى ادخل اسلم على الاعضاء لاني مش هينفع اكمل في منتدى من غير ادارة وخاصة ان دلوقتي دخل كذا واحد على المنتدى شوهوا صورته خالص والبنات مش طايقين يكملوا وبقوا خايفين يقعدوا في الدردشة لا بسبب اللي بيحصل يعني المنتدى محتاج ادارة شديدة ومعلش يعني انا مش شايف فيه مدير يصلح بعد عمرو بس احب اقول حاجة برضه عشان اقول لعمرو اني بتكلم بجد انه غلط غلطة واحدة يوم مقبل اعضاء بهبل مع اني حذرته من كده وقلت اللي داخلين دوا داخلين عشان بنات وكده او داخلين مش عشان الاستفادة وخلاص ولو على الاقل اللي نقبلهم يكون فيه عضو من الاعضاء التقال اللي على المنتدى يكون واثق فيهم وعمرو كان يقبله والعضو ده يقوله على ضمانتي اما مكنش فعلا يعني اننا منقبلش خالص خير مثال يوسف عضو جديد بس اثبت انه احسن عضو فيه وجه واكتسح الكل بس المهم في الاخر احب اقول اني قضيت معاكم وقت ممتع بجد ودلوقتي المنتدى بقى بيئته مش مناسبة اني ابقى لاجئ فيه انا بس هبقى ادخل اسلم وهيبقى دخولي على اده عشان انا فيه اعضاء بجد عاجبني ومش عايز افرقهم ويا ريت برضه وبقلها تاني كلنا نحترم عمرو ونشكره ونعرف ان الموضوع ده خارج عن ارادته ده غصب عنه عشان المرحلة اللي هو داخلها

وبقول في الاخر الف شكر يا عمرو ونتمنى نشوفك دكتور كبييييييييييييييييير
د
سلام يا مان وشوف مستقبلك اهم بكتير

من طرف **ABD ELZAHER** الخميس يوليو 23, 2009 9:21 am

الرابع اهو مين الخامس بقى

من طرف **ABD ELZAHER** الخميس يوليو 23, 2009 9:22 am

اصل المنتدى هتخرب خلاص وشوية شوية وهيتقفل

من طرف **cinderella** الخميس يوليو 23, 2009 12:06 pm

متفكرش يا عمرو انك تسيب المنتدى انت ليك افضال كتير على المنتدى ده والكل شاهد بكدة و انت المدير والمفروض اننا اخوات ومفيش بينا زعل وانتا يا عم قدها والا مكنش السيلي خلاك مدير عام
وبعدين احنا روحنا فين محمد عاطف موجود وكل المشرفين جمبك وكفاية ان كل المنتدى بيحبك
وبيعتبرك اخ ليه فكر كدة كويس وارجع تاني وان شاء الله مفيش مشاكل هتحصل تاني

من طرف **cinderella** الخميس يوليو 23, 2009 12:12 pm

انتو ممكن يكون عندكم حق عشان الدراسة وربنا يوفقكم ان شاء الله بس السنة لسه طويلة
ادخلو عادي بس قليل وفي غيابكم المشرفين يبقو يهتمو بالمنتدى

من طرف **yomna** الخميس يوليو 23, 2009 2:36 pm

ده راى تمام ومظبوط
بس هم مش سيبينه عشان الدراسه عشان المشاكل الى بتحصل

من طرف **Mr.hop** الخميس يوليو 23, 2009 7:33 pm

اها انا اعتبر سايب المنتدى من زمان بس انا بدخل اسلم واخرج بس انتا يا عمرو اعمل كدة برضوا ادخل سلم واخرج بس مش تسيبوا يعنى خالص اوكيك

من طرف **™mero** السبت يوليو 25, 2009 6:33 pm

أزيكم من تاني كلكم

اتمنى تكونوا بخير

ومعلش لو ردي اتأخر بس أنا حبيت أخره علشان اكون قريت كلام كل الناس

عامة انا عاوز افهمكم كام حاجة

اولا موضوع اني اسيب المنتدى ديه حاجة مش سهلة عليه خالص
لأن صعب تسيب ناس انت بتحبهم
وكمان صعب الواحد يسيب مكان تعب فيه

بس يا جماعة احنا مش هنضحك على بعض
كلنا عارفين ان المنتدى في أسوأ حالاته وكل الاعضاء اللي موجودة
موجودين على امل ان ممكن العملية تتظبط وترجع زي الاول

وانا كان نفسي ارجع الموضوع زي الاول
وكان عندي خطوات وافكار لو اتنظمت واتنفذت ممكن الدنيا تتظبط
بس للاسف لقيت الظروف مش مسعداني

لأن في عيوب كتييييييرة لـ الادارة وبصراحة عيوب مش اقدر اوصفها
غير بأنها فــــادحـــة
وأنا بتكلم على الادارة وبما فيهم انا على فكرة

و كمان انا حاسس اني مش بأيدي حاجة اقدر اقدمها
وطالما مش بأيدي حاجة يبقى وجودي زي عدمه
و وجودي مش هيفرق كتييييير زي ما الناس بتقول كده

عامة أحنا نسيبنا من الكلام اللي فوق ونخلينا في الكلام اللي تحت

هو القرار اللي انا خدته ده نهائي وانا مش هرجع فيه
بس برضه أنا مش عيل زي مـا الناس ما قالت
و لأني مرضاش اني اسيب المنتدى يبوظ وبعد مـا الدنيا تخرب اطلع انا منها
وكمان انا حاسس اني بوظت الدنيا وطلعت منها

فعلشان كل ده يبقى هأجل القرار ده شويه
وحتى يوم ما افكر اسيبه
هسيبه وفيه ناس هتديره احسن مني

واديني مش هطلع عيل اهه زي ما الناس ما قالت
وان شاء الله ربنا يقدرني وهرجع الدنيا احسن من الاول كمااااان
استنوا موضوع مني قريب وان شاء الله هيبقى حل لكل المشاكل
وبالكتير بكره هيبقى موجود لأن الموضوع بس محتاج شويه دراسة

تحياتي لكل الاعضاء
وميرسي اووووي لكل اللي ردوا فوق

من طرف **The legend** السبت يوليو 25, 2009 6:48 pm

انا فعلا كنت متوقع الحركة العاقلة دى من عمرو
و موضوع ان انت تاجل قرار رحيلك ده فى مكانه و لو انى كنت اتمنى ترد على الموضوع اللى عملناهولك
بس مش فارقة اديك رجعت وخلاص
و حمدا لله على سلامتك
و تهانى لكل الاعضاء اللى شاركوا معانا
و شكرا عمرو وكل اعضاء المنتدى اللى دخلوا ردوا
I'M OUT,,,,,,,, - صفحة 2 62657

من طرف **ABD ELZAHER** السبت يوليو 25, 2009 10:04 pm

I'M OUT,,,,,,,, - صفحة 2 694-Welcome-AbeerMahmoud

من طرف **yomna** الأحد يوليو 26, 2009 12:42 am

اهو هو ده الكلام ياعمرو
ومنورنا من تانى

من طرف hussein الأحد يوليو 26, 2009 1:43 am

منور المنتدي يا عمرو
ويارب متسبنا تاني

من طرف sosooOO الأحد يوليو 26, 2009 3:15 am

عودا حميدا يا عمرو واكيييييييد يعني مكنش ينفع تسيب المنتدي اكيد كان هيبوظ اكتر كمان من غيرك يعني
واكيد هو ده طبعا القرار السليم وربنا يوفقك ويوفقنا كلنا ان شاء الله

من طرف **@Boss~OF~Pirates@** الأحد يوليو 26, 2009 7:42 am

ايوة كده يا عمرو المنتدى فعلا خرب دلوقتي ويلا يا بوس عايزين نشوف افكارك ولو عايز مني حاجة مش هتأخر عليك ابدااااااااااااااا

ماشي انا تحت امرك في اللي تطلبه عشان انا عايز المنتدى يرجع زي الاول يا عمرو واحسن

I'M OUT,,,,,,,, - صفحة 2 315154