شروط طلب الاشراف

انا كملت ال 200مساهمة وبطلب باالاشراف
انا عايز ابقى مشرف قسم الصور
هل سبق لك الاشراف في اي منتدى آخر؟ لالالا
ما هي مدة تواجدك في المنتدى؟ ساعة او اكثر
ما هي طموحاتك كمشرف؟انو يكون افضل منتدى

انا عاوز ابقى مشرف على
قسم التحاور بين الاعضاء
وانا توافرت فيا الشروط

هل سبق لك الاشراف في اي منتدى آخر؟
لا
ما هي مدة تواجدك في المنتدى؟
يوميا ساعة
ما هي طموحاتك كمشرف؟
ان المنتدى ده يبقى من احسن المنتديات

انا بطلب الاشراف على قسم المنوعات العامه
وانا عندى اكتر من 500مساهمه
ومش كنت مشرف فى اى منتدى قبل كده
شبه كل يوم
ونفسى المنتدى ده ينافس اكبر واحسن المنتديات

انا بطلب الاشراف على الترحيب بالاعضاء الجدد

مكنش مشرف قبل كدا
كل يوم من ساعة ل ساعتين

نفسي يكون المنتدى احسن منتدى

ان شاء الله هاتكون مشرف يا عبدالظاهر

انا نفسي اكون مشرفه علي قسم الصور بس........................الاول
عايزه اعرف ما هي الاعمال الذي يقوم بها المشرف علي القسم؟
هل سبق لك الاشراف في اي منتدى آخر؟
لالالالالالالالالالالالالالالالالالالالالا

ما هي مدة تواجدك في المنتدى؟
من 2 الي 4

ما هي طموحاتك كمشرف؟
ان يكون المنتدي ده احسن منتدي
بس انا مش عندي مساهمات كتيره

عادي انا اساسا ن رايي ان المفروض الاشراف مبقاش بالمساهمات يبقى بالاكتر قعاد على المنتدى لان في مشرفين مبيخشوش على المنتدى اساسا

هو مش موضوع مساهمات هو الي يخش ينتشر في القسم الي عايز يشرف عليه ويحط فيه مواضيع
اما بالنسبة لموضوع المساهمات لازم تكون كتيرة ده علشان الاعضاء ميزعلوش ممكن واحد يقول انا مسهماتي اكتر منه يبقى انا الاحق في اني امسك مشرف وكمان يا مصطفى هي مساهمتها 39 يعني قليل جدا ده على كدة يبقى المنتدى كله هايمسك اشرف
تقبلوا مروري

فعلا ياعمرو معاك حق

ادخلي على الشروط الاول وشوفيها

طيب يا عمرو يا عصام انا بطلب امسك مشرف وانت اكيد عارف ان تقريبا كل الشروط موجودة فيا

وخلي بالك في تقريبا مشرفين مبيخشوش على المنتدى اساسا ومش موجودين في قائمة افضل 15 عضو يعني حكاية الاشراف بصراحة في المنتدى ده غلط خااااااااااااااااااااااااااااااااااالص

وكمان هما مش بيخشوا مع ان اقسامهم قوية وعليها اقبال جامد

وانت اكيد عارف ايه اكتر قسم انا بحب اخش عليه من زمان بس للاسف هو مسمه مشرف مبيخشش الفترة الللي فاتت وانا عارفه

لو انت ش عارف انا قصدي على ايه ممكن ابقى اقولك على الايميل

بص يا مصطفى مفيش حاجة في المنتدى شغالة بالمجاملات وكل الي انت بتتكلم عليهم ومش من اكتر من 15 عضو دول داخلين المنتدى من زمان
انا مش منهم بس دول الي يعتبروا اسسوا المنتدى لان المنتدى ساعتها كان فاضي والسيلي هو الي كان ممسكهم
وعمرو على فكرة مش ممسك حد غير لما تكون مساهماته كبيرة والشروط تنطبق عليه
وماعتقتدش ان مفيش مشرفين مش بيخشوا كله بيخش الا اذا كان عنده ظروف
وكمان عمرو ماقلكش لقى يعني مالهوش لازمة الكلام ده

مفيش حاجة شغالة مجاملات ولو شفت مجاملة يا عم اعمل موضوع في الشكاوي ده اصلا لو لقيت
وانا اعرف اكتر منك ايه الي بيحصل في المنتدى هنا

بص يا مصطفى
قي ناس عاملة 10 مساهمات في المنتدى ده
بس كل مساهمة من مسهماتهم بمليون مساهمة من مسهماتك
وكلها افادة
وبالنسبة للمشرفين اللي مبيخشوش
فهما مبيخشوش لأنهم زهقوا من اسلوب الناس اللي زيك

وانا جبت اخري منك
واسلوبك غير مرغوب فيه بالمرة
وانا مش هقولك غيره تاني
وانا مش بقولك غيره علشان تبقى مشرف
انا بقولك غيره علشان تفضل معانا في المنتدى

وكلامي خلص

مفيش حاجه اسمها المنتدى ماشي مجاملات لأن الإشراف مش عايز مساهمات كتيرة ولا انك بتقعد على المنتدى كتير الإشراف من مهامه الأول الأخلاق وكل مشرف لازم يشوف المواضيع كلها وأي موضوع فيه غلط بيتلغي وبيطرد اللي عامل الغلط وبعدين ازاي نخليك يا مصطفي مشرف وانت مش هتغير اسلوبك في الكلام مع الناس معنى ذلك انه القسم اللي هتشرف عليه هيبقى كله من اسلوبك ولو فيه حاجه من اللي بتعملها في اسلوبك بالكلام مش هتلغيها لأنك راضي عنها والحمد لله كل المشرفين اللي عندنا في المنتدى أخلاقهم تمام وسبب عدم دخلوهم لأنهم زهقوا من الأسلوب اللي بتتكلم بيه انت وغيرك بصراحة من الآخر اللي مش هغير اسلوبه في معاملة الناس سواء بنات أو صبيان من الآخر هيتم طرده نهائياً وكلامي خلص

خلي بالك انا هغير اسلوبي يا عمرو بس دي مش طريقة نكلم بعض بيها

ومش هغيره عشان اشراف ولا حاجة لا عشان هي طلعت مضياكم كده للدرجة دي

والف شكر على الردود الحلوة دي

وعلى العموم انا اسف ان كنت ضايقت حد وانا عدلت ردودي

وبجد يا عمرو هحاول اغير من طريقتي

بص يا مصطفى اولا آسف لو انفعلت عليك
بس انت كنت تنقط بجد في ردودك
ديه اول حاجة

تاني حاجة
انا كنت قايلك ان قريب هتحصل تغييييييييييييرات كبيرة في الاشراف بتاع المنتدى

وبالنسبة للمشرفين اللي مش بيخشوا فدول نوعين
ناس هتتغير لأنهم فعلا لازم يتغيروا

وناس هتفضل طول عمرهم مشرفين حتى لو مدخلوش ع المنتدى خالص
لأن الاشراف ده بالنسبة ليهم نوع من التمييز وتقدر تعتبرها رتبة شرفية
ودول المشرفين القدام لأنهم كلهم ساعدوا في تأسيس المنتدى
وعملية حذفهم من الاشراف تقدر تققول شبه مستحيلة

ديه انت ممكن تسميها مجاملة
بس هي مش مجاملة خالص
ده نوع من التقدير لحاجة هما يستحقوها

اتمنى تكون فهمتني

حاول تعدل طريقتك يا مصطفى وياريت الكلام ده يبقى لاصحابك كمان مش انت لوحدك واي حد تشوفه في المنتدى عمل حاجة غلط بلغ عنه للادارة او تحاول تعقله
وشكرا

ماشي يا جماعة على اد اما اقدر والله هحاول

لما نشوف

بص يا مصطفى انت اغلب مساهماتك اصلا فى حاجات فاضيه بتعملها انت واصحابك لدرجه ان انتوا بتخرجوا عن الموضوع
ثم ان انت اصلا ما تعرفش تمسك مشرف لان انت ما تفهمش حاجه فى حوار المشرفين ده انت لسه قدامك مشوااااااااار

يعني كه اني مش هينفع اني اكون مشرفه
انا هحاول اني اعمل الشروط دي