مقارنه جريئه بين الشاب والفتاه

][i]
هذه مقارنه بين الشاب والفتاه وهي طبعا غير معممه للكل احتمال تكون موجوده في ناس عن ناس.
الشاب من السهل أن ينسى ولكن لا يمكن أن يسامح.
الفتاة من السهل أن تسامح ولكنها لا تنسى أبداً.
الشاب يحب فيصبح تعسياً بعد ذلك.
الفتاة تحب لتصبح سعيدة للأبد.



الشاب يهتم دائماً بكبر حجم الحب.
الفتاة يهمها جودة الحب ولا يهمها حجمه.
الشاب دائماً فضولي تجاه الفتيات عموما,الفتاة دائماً فضولية تجاه الشاب الذي تحبه فقط.
الشاب عندما ينفصل عن الفتاة يبحث عن غيرها لينسى الأولى الفتاة عندما تنفصل عن الشاب فهي تبحث عنه داخل أي شخص آخر.
الشاب يتمنى دائماً أن يكون حبها الأول الفتاة تتمنى دائماً أن تكون حبه الأخير.
الفتاة ما هي إلا مشاكل ،الشاب ما هو إلا باحث عن المشاكل ..

موضوع حلو

موضوع جميل

تسلمى

حلو بجد

موضوع جميل بس واضح انك ظلمانا

موضوع جميل

روووووووووووووووعة

ميرسي لكل اللي رد على الموضوع............ بس بجد يا عمر مش ظالماكو خااااااااااااالص........... انتو مفتريين......هههههههه

هههههههههههههههههههههههه...............أحنا برضه

مفتريين حرام عليكى يا ولاء

موضوع جميل يا ولاء

موضوع جميل بس فيه تحامل واضح علينا
لكن احنا كرجال كعادتنا لازم نصبر

على فكرة الولاد مش مفتريين( الله يسامحكوا يا زمايلها اللي خليتوها تقول علينا كده اخص عليكوا)

مش مفترييييييييييييييييييننننننن؟يا عم بص في المرايه وانت تلاقي نسخه مصغره من دراكولا.ههههههه

دراكولا على فكرة مش مفتري دراكولا مصاص دماء يعني اللي بيعمله كان عادي بالنسبة له
بالنسبة لموضوع المرايه انا بشوف كل حاجة حلوة الحمدلله
وبعدين الولاد فعلا مش مفتريين (مش كلهم ما تزعلوش)
كل الولاد اللي انتوا شوفتوهم واتعاملتوا معاهم مفتريين بس اللي انتم ما شوفتوهمش مش مفتريين

اللهم ما صلي ع النبي

كتك نيلة انت وكل زمايلك ما انت من الولاد اللي شافهوم وحكموا عليكو بالافترا
(الله يكسفك)

انت بتهيص ليه
ده انا معتقدش أن حد من اللي في المنتدى يعرف ولاء كويس غير مي واخوها

هههههههههههههههه.......ولعت ...بس ليا تعليق على كلامك يا
دكتور انتو فعلا مفتريين وبالذات الرجاله المصريين اللي على طول عايشين في دور سي السيد وناسيين حقوقنا ودايسين عليها واذا كان دراكولا مصاص دماء فانتو بتمصو مشاعر المراه وهوايه عندكم اللعب بالبنات من غير ماتستفيدوا حاجه غير انكوا تجرحوا وخلاص....بس انا متفقه معاك ان في نسبه قليله اوي قربت تنقرض من الرجاله اللي عارفين قيمه المراه وفضلها عليهم وبيراعوا ربنا فيهم سواء كانت الست دي مامتك ..اختك.. حبيبتك مراتك..الست موجوده في حياه الراجل ومفروضه عليه وللاسف الراجل كمان مفروض في حياه المراه

انا معاكي في كتييييييير من كلامك بس هأعترض على 3 نقط
الاولى:
ناسيين حقوقكم أزاي هو احنا اللي بنديلكم حقوقكم ولو احنا بنديهلكم يبقى الحكومة بتعمل ايه

التانية:أن أحنا بنمص مشاعر المرأة لو حد مص مشاعرك فده كان
سوء اختيار منك ليه مفروض تشوفي مين اللي يقدر مشاعرك وبعد كده تسيبيه يتلاعب بمشاعرك

تالت نقطة:

Blue lady كتب:الست موجوده في حياه الراجل ومفروضه عليه وللاسف الراجل كمان مفروض في حياه المراه

للاسف؟؟ ،،،،،،،،،،،،،،،،،،، يبقى مين اللي مش مقدر التاني

تصدفي بفى ان عندك حق والرجالة المصريين فعلا مفتريين واوي كمان
وافتكري انت اللي جبتي سيرة دراكولا مش انا وبعدين الحاجة الوحيدة الغلط اللي انت قولتيها ان النسبة القليلة من الرجالة الكويسة مع ان العكس هو اللي صح
وطبعا مم لا خلاف عليه ان المرأة هي نص المجتمع وبتربي النص التاني يعني هي المجتمع كله من الآخر
وما تزعليش انا ما بكلمش من دافع شخصي انا بس عاوز اوضح كام نقطة بس (انا اساسا معرفش اسمك)

عمرو انت غلطان من ساسك لراسك وتستاهل كل خير
النقطة الاولى: ماتدخلش السياسة ف المواضيع الاجتماعية وبعدين الحقوق اللي بتكلم عنها مش الحقوق اللي بتيدها الحكومة.
الثانية: معنى كلامك ان في رجالة وحشو ومفترية وده بيثبت كلامها انت كده معاها مش ضدها
التالتة(ديه مش لعمرو): محدش مفروض على حد يعني انت لو ما اتجوزتش ولا اتعاملت مع بنات في اي مجال محدش هيموتك ويحبسك ( وده موضوع لا يمكن يحصل لأن عندك ماماتك واختك وقرايبك البنات وزميلاتك ف الشغل وزي ما قولت قبل كده الست هي كل المجتمع)
وارحمونا بقى

مفيش غلط ولا حاجة
النقطة الاولى:أنا مش بدخل السياسة في المواضيع الاجتماعية بس أحنا مبنديش حقوق
هو طبع الحياة كده أنت بتاخد حقوقك من اللي بيحكمك.

النقطة التانية:فعلا انا معاها في كلامها أذا كان في ناس بتحب علشان تتسلى وتتلاعب بمشاعر الآخرين

النقطة التالتة(ودديه ليك يا احمد):مش شايف ان في مبالغة في كلمة الست كل المجتمع
أنت قلت الكلمة ديه بحجة ان هما نص المجتمع وبيربوا النص التاني
بس مش معنى ان الست هي اللي بتربي أن الولد يطلع زيها وعلى اخلاقها
وتقريبا ده واضح في مجتمعنا دلوقتي