افتح قلبك

أولا: أتمني إن الموضوع ميضيقش حد ومحدش يفهمني غلط ده مجرد موضوع كل واحد هيقول رأيه من وجهة نظره وياريت بصراحة.
الموضوع خاص بالشباب( الأولاد):

المعاكسة

*ليه المعاكسة انتشرت هذه الأيام.
*ليه الولد بيعاكس البنت
في ناس بتقول البنت هيه السبب لأن لبسها بيكون ضيق وملفت للنظر بس بصراحة من وجهة نظري ده مش سبب
اعرف شباب ورجالة بيعكسوا منقبات طب حد يقولي دي باين منها إيه أصلا علشان حد يعكسها
ساعات بحس إن المعاكسة هواية وان واحد فاضي مش لاقي حاجة يعملها فبيتسلي
الولد اللي بيعاكس لو شايف سبب قوي لمعاكسته للبنات ويقدر يبرر موقفه يوم القيامة أمام ربنا فيعاكس براحته إما لو مش لاقي فياريت يبعد عن الموضوع ده ويدور علي أي تسلية غير دي
*طبعا مش ببرر لبس البنات بالشكل اللي بنشوفه دلوقتي بس كده الأولاد بيشجعوا البنات علي اللبس ده في بعض البنات مش كلهم بيلبسوا بالطريقة دي للفت نظر الأولاد لما يجي الولد يعكسها فمعني كده إنها قدرت تلفت نظره يبقي هو شجعها علي لبسها بالشكل ده
أتمني إن الموضوع ميضيقش حد ومستنية وجهات نظركم.

جميل بس مفيهوش مضايقة ولا حاجة عادى

بجد موضوع جميل اوي زي صاحبته وياريت كل الاولاد يقولو رائيهم بكل صراحة عشان انا بجد كمان نفسي اعرف الرد على اسئلة جهاد

*ليه المعاكسة انتشرت هذه الأيام.

لأن الاخلاق بقت في الارض والناس كلهم مش وراهم حاجة ومبقاش في حد راجل بجد

*ليه الولد بيعاكس البنت

علشان مينفعش يعاكي ولد.


أنتي قلتي أن في ولاد بيعاكسوا منقبات طيب شوفي كام بنت منقبة بتتعاكس
وكام بنت مش محترمة في لبسها بتتعاكس


وكمان مش كل المنقبات محترمين وكل المصايب بتبقى من المنقبات


بس لو جينا للحق هنقول المشكلة من الاتنين
الولاد والبنات .........البنات لبسهم مش كويس والولاد فاضيين ومش وراهم حاجة
بس لو جينا بصينا للموضوع من ناحية تانية
هتلاقي ان البنت لما لبست وحش الولد عكسها
يعني لكل فعل رد فعل
لما البنت لبست وحش الولد عكسها
يعني ديه كانت نتيجة للبس البنت الوحش

أنتي قلتي أن الولاد لما بيعكسوا البنات بيشجعوهم على انهم يلبسوا وحش أكتر
وده معناه انهم كانوا لبسين وحش في الاول وده برضه غلطهم


انا بحييكي جدا انك قدرتي تفتحي موضوع مهم جدا زي ده واكيد طبعا ميضيقش حدبس لسه للحديث بقية كتييييييييييييييييييرة
وتقبلي مروري

اعرف شباب ورجالة بيعكسوا منقبات
شوفى يا جهاد اولا هو موضوع حلو جدا وتسلم ايدك عليه
ثانيا والله الكلام ده مش بيحصل ان الواحد يعاكس البنات المنقبات بصراحة الجملة دى فيها شوية كدب سورى على كلمة كدب لكن هى مش تتقال غير كده
وبعدين انتى بتقولى ان لبس البنت مش سبب
حرااااااااااااام جدا انك تقولى كده لو البنت مؤدبة انا هعاكسها ليه الشاب بيعاكس البنت اللى لبسها مش محترم زى اليوميمن دول
يا ريت تفهموا كلكم وجهة نظرى ومحدش يفهمنى غلط
هههههههههههههههههههه
وشكرا يا جهاد

طيب انا هقول حاجة كل شخص حر في لبسه وكل بنت حسب درجات تدينها وقربها من ربها الولاد مش بيستفادو حاجة من المعاكسة وكمان والله العظيم بيكونو لابسين لبس كويس وبيتعاكسو ده بالعكس انا لما بلبس واسع ومحترم بتعاكس اكتر وكمان لو كل البنات لبسو لبس كويس والله هيتعاكسو بردو مهما عملو ومهما كانو كويسين

أولا
يا جماعة انتوا ماسكين ليه في موضوع المنقبات
لعلمكم 70% من المنقبات متنقبين مش علشان تدين
هو نقبين علشان حرق في وشهم او تعويرة او في حاجات كتيييييييييير

ثانيا يا مي
في ناس طبيعتها كده هي ماشية تعاكس وخلاص
يعني نازل من بيتهم علشان يعاكس ويتفرج وبس
بس مفيش حاجة اسمها كل واحد حر في لبسه
أنت حر مالم تضر
وبالنسبة للضرر فهو كبيييييييييييير اوي


ولعلمكك مشكلة المعاكسة ديه مش هتنتهي ابدا
الا بأمر من الحكومة
وي مثلا في السعودية في جماعة هناك اسمها الامر بالمعروف والنهي عن المنكر
عبارة عن ناس ماشيين في الشارع اللي مثلا ميروحش يصليب وقت يروحوا ينصحوه
واللي بيبقى فاطر يوم في رمضان ويشوفه في الشارع بياكل بتسجن يومين بس في سجن مرفه
وبالتالي مفيش مشاكل بتحصل
بس في فرق كبييييييييييير اوي ما بين مصر والسعودية


طيب انا بقى عاوز الفت نظركم لنقطة
ليه معظم الولاد والبنات لما بيجوا من السعودية او اي دولة عربية بيبوظوا؟؟

علشان احنا فى مصر بلد الفساد
ههههههههههههههههههههههههههههههههههههههه

هههههههههههههههههههه................الفساد بس

المعكسه انتشرت لاسباب كتيره اولها طبعا البس والميكب وكده والبنت لو محتره هتصد الي بيعكسها لو عكسها وفض ماشي وراها انما في بنات يا جهاد بتحب تتعاكس وتحب الولاد يقولوا عليها انها جميله علشات طبعا الي بتعمله في نفسها من لبس وكده يعني عندك دلوقتي في بنات بتلبس الاسدال في رمضان وبعد كده بتشيله اان مش قصدي حد معين طب ليه هو ربنا سبحانه وتعاله مش موجود الا في رمضان لو البنت اتعكست مره في مكان معين المفروض انها مش تروحه تاني ولو رحته تاني يبأه تستاهل الي بيحصلها من اي حاجه

انت ممكن يكون عندك حق في حاجة فعلا في بنات بتخرج عشان تتعاكس وده طبعا غلط بس المعاكسة في كل مكاااااااااان

ميرسي جداااااااااااااااااااااا علي مشاركتكم
بس ليه رد علي عادل أولا انا مش زعلانة من لفظ كدابة
ثانيا انا اعرف واحد بيعاكس منقبات يعني مش بتكلم من دماغي
علي العموم ميرسي علي وجهات نظركم ومستنين الموضوع القادم من أحد الاعضاء غيري طبعا