لازم كل عضو يخش عشان يقول رأيه

عمرو يا عصام أنا بحترمك جدا وأكيد انت عارف كده كويس بس انت عارف ان اختلاف الراي لا يفسد للود قضية وبصراحة انا هاعترض معاك في نقطة بس يا رب ما تزعلش مني لان في كذا عضو في المنتدى طلبوا مني اني اكتب الموضوع ده ففي الاول والخر ده مش رايي لوحدي
أنا عارف يا عمرو انك مدير ناجح جدا وعايز تخلي المنتدى ما يحصلش فيه مشاكل وأنا معاك في كده بس موضوع انك تلغي الدردشة دي حاجة انا معارضك فيها لان بصراحة الدردشة كانت عملاة جو حلو في المنتدى وكانت بتقرب الاعضاء من بعض وعرفتهم على بعض بس يا عمرو مش كون ان في انتنين عملوا مشاكل على الدردشة يبقى تتلغى لازم يبقى في عقوبة عشان كل واحد يعرف انه في منتدى محترم واللي ما يعرفش كد يطلع من الاساس فانا مع عودة الدردشة من جديد

أما بالنسبة لموضوع الرسايل الخاصة فانا مش مع المبدا ده من زمان لان كلنا عارفين ايه اللي بيبعت وخاصة ان في أعضاء بطلوا يخشوا على المنتدى بسبب المعاكسات اللي بيلاقوها على الرسايل الخاصة بس برضه دي مشكلة حلها سهل جدا وهو انك يا عمرو تراقب كل الرسايل الخاصة والعضو اللي بتلاقيه بيبعت رسالة مش ظريفة يتم طرده وممكن يبقى في مكان يتقال في اسماء الاعضاء اللي اطردوا والاسباب عشان محدش يزعل من حد بس مش مهمة الرسايل الخاصة في الاول والاخر

المهم دلوقت بعد اما كل عضو يقرا الموضوع يقول رايه وانت يا عمرو تشوف الانسب وتعملوا وأنا اكيد عارف انك مش هتزعل حد منك عشان كله بيحترمك وعارف قيمتك في المنتدى ومش معنى اننا اختلفنا في الرأي اننا نزعل من بعض والعضو اللي يقرا الموضوع لازم يخش ويقول رايه

زعيم القراصنة
مصطفى

انا بايد رايك يا درش ومعاك في الي انت بتقوله
وبمتزعلش مني يا عمرو بس مش حلو انك تلغي الدردشة

أكيد يا عمرو ردك عجبني والموضوع ده ما كنش رايي لوحدي
وعشان تكون عارف أنا مبعرفش اثبت أنا بقول على طول الحقيقة
واكيد أنا مقتنع بكل اللي انت قلته وميرسي ليك

انا معاك يا عمرو ف اللي انت قلته
بس كمان عندي ملاحظة:
منتدى الالعاب، هو المنتدى الوحيد اللي فيه ردود علطول
ما ينفعش كده يا جماعة احنا مش مشتركين ف المنتدى علشان نلعب ونزود عدد المساهمات بتاعتنا وبس
لازم يكون في فايدة تعود علينا

برافوووووو شاطر يا زعيم البتنجان ديما رأيك مختلف ومستقل وغلط!!! يابنى فكر شويه هوا ربنا مديك العقل دا ليه ؟؟ اعتبر اى بنت فى المنتدى دا اختك (طبعا كلهم اخواتنا بلا استثناء) تردا حد يبعتلها رساله خاصه مش قد كدا ولا بكلمها فى حاجات مش قد كدا بردو على الدردشه انا بقى ردى ان الدردشه تفتح والناس تحترم نفسها وتبطل معاكسات والبنات كمان اى حد يتعاكس يشتكى للمدير ونختار اكتر واحد بيكون موجود على المنتدى ونخليه مراقب فى الدردشه
اسف لو كان كلامى تقيل عليكو تقبلو مرورى بالعافيه عبدالرحمن

Captain Romance كتب:برافوووووو شاطر يا زعيم البتنجان ديما رأيك مختلف ومستقل وغلط!!! يابنى فكر شويه هوا ربنا مديك العقل دا ليه

بداية رائعة

يا عبد الرحمن يا ريت تبقى أهدى شويه
لأن ده مش اسلوب خالص
ومعلش يا مصطفى حقك عليه

Captain Romance كتب: اعتبر
اى بنت فى المنتدى دا اختك (طبعا كلهم اخواتنا بلا استثناء) تردا حد
يبعتلها رساله خاصه مش قد كدا ولا بكلمها فى حاجات مش قد كدا بردو على
الدردشه انا بقى ردى ان الدردشه تفتح والناس تحترم نفسها وتبطل معاكسات
والبنات كمان اى حد يتعاكس يشتكى للمدير ونختار اكتر واحد بيكون موجود على
المنتدى ونخليه مراقب فى الدردشه
اسف لو كان كلامى تقيل عليكو تقبلو مرورى بالعافيه عبدالرحمن

يا عبد الرحمن محدش عاكس حد
ومحدش حاول يتكلم في حاجات مش اد كده
معظم الرسايل الخاصة
كان مضمونها التعارف بس بثقالة شويه
يعني بمبدأ هنتعرف يعني هنتعرف
وبالعافية
ومعتقدش ان اي بنت حد هيضيقها هترضى تقول ان الحد ده ضيقها
أنا معاك في موضوع مراقب على علبة الدردشة بس اساسا
أكتر وحد بيقعد في الدراسة ع المنتدى
بيبقى آخره ساعة ونص


هو احسن حل ان كل واحد يبدتدي بنفسه
وان شاء الله كل حاجة هتتظبط
والعملية هترجع زي ما كانت واحسن
وزي ما قلت قبل كده علبة الدردشة
هتتفتح يوم الخميس ان شاء الله

ميرسي ليكم يا جماعة
وان شاء الله ميكنش حد زعل مني

Sorry كنت رخم شوية بس بجد مكنتش فى الموود اليوم دا

اصلا فى الموضوع اللى هوا عامله كان فاتح مجال للنقاش ومدام هوا بقى كدا يبقى يستحمل النقاس سواء لصالحه او ضدة مش علشان انا رأيى زى مختلف عن رأيه يبقى يعمل فيها عم الزعلان ويعيش علينا!! لما هوا مش قد النقاش يبقى ميعملش مواضيع احسن!!! وانا يا عم هبدأ بالصلح وبقولك انا آسف وبعدين يا ميرو مين قلك انى هتخانق والكلام دا هتخانق علشان اختلاف رأى؟؟ انا اكبر من كدا بكتير مش هعيل واروح اتخانق مع واحد اصغر منى

ماشي هو الموضوع للنقاش
وهو عرض اعتراضه بطريقة محترمة جدا
فلو احنا هنعترض على كلامه يبقى
المفروض نعترض بطريقة برضه محترمة

ميرسي ليك يا عبدالرحمن
لأنك ابديت اعتذار في الاول
ومستنيين ردك يا مصطفى

اوك شكرا ليك يا عمرو وآسف تالت مره ليك يا مصطفى

خلاص يا جماعه الموضوع خلص وكلنا فى المنتدى
سواء صبيان او بنات كلنا اخوات

احنا جايين نهدي النفوس

خلاص يا عبده أنا قابل اعتذارك والموضوع خلص ويا رب نبقى أصحاب
وانا اسف لو انت حسيت اني غلطت معاك

يا مصطفي كلمني علشان عارزك

أحمد ده ايميلي
thebossofhackares
كلمني عليه

طيب

اوك اعتبر ان احنا اصدقاء من دلوقتى Nice To MeeT You...xD

ايوه كده اتعدل انت وهو

كله عشانك ما احنا خيفين منك يا جيمي
هههههههههه

منتا مرعب