موجز النكت المصريه

من طرف bassam الأحد يوليو 05, 2009 2:30 pm

السلام عليكم ورحمه الله وبركاته
كما هو معروف ان الشعب المصرى بيحب الضحك فاليكم موجز النكت المصريه ههههههههههههه والى مش هيضحك يبقى اكيد .....................ههههه

مره واحد ابنه طلع من الأوائل عمل ايه ؟؟؟؟ شفروه

واحد صعيدى واقف قدامه خمس شياطين ليه ....؟؟؟ واحد يوسوسله و اربعه يفهموه( انا صعيديى )

واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت
جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

مرة كلب فقد الذاكرة ماشى فى الشارع بيقول صوصو...لا نونو.....لا .....

واحد بلديتنا اشتري راديو حط فيه حجرين المذيع اتسطل

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة0

فرخة استحمت بهد اند شولدر باضد بيضة من غير اشرة

مره واحد مسطول بييصطاد سمك بالحشيش طلعتله سمكه بتقول : انا تمساااااااااح

واحدة بخيلة بعتت ابنها يشترىتلاتة ارغفة لما جه قالتله رجع رغيف ابوك مات
مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

فار محشش قال : كل القطط تحت جزمتى لقى وراه قط اسود قال الا ابو سمره حبيبى

بلدياتنا فتحوا محل بيتزا .....سموه بيتزا هعععععععععععع

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات

مرو واحد سماك ابنه مات قعد يعيط فى الجنازة بيقول كان صاحى وبيلعب

اتنين حشاشين بيلعبو كورة واحد شاط و التاني اتحرق

بلدياتنا نزل البحر و كان فية سحب جامد .... كسب تلاجة

واحد اتجوز واحدة اسمها نعمة باسها وش و دهر

محشش نائم جت امه تصحيه في الصباح قالت قوم يا ولدي الشمس طلعت قال دخليها وقفلي الباب

دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه

واحد بيقول لمراته تيجي نعمل جمعيه.اديكى كل يوم بوسه واديكى جنيه قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه.قالتله ماتسكت مش ابو هيثم جارنا دخل بنفرين

مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

لية الصعيدي الصغير أذكي من الصعيدي الكبير .؟ لأنة مابقالوش كتير صعيدي

كان القائد المشهور بالقسوة يستعرض جنوده فوقف أمام جندي وسأله: ما اسمك فقال : حمد يا سيدي. وما الذي تمسك به؟ فاجاب بندقيتي يا سيدي، فرد عليه : ليست بندقيتك بل هي زوجتك وعرضك وشرفك ثم انتقل الى الجندي الذي يليه : ما اسمك ؟ كامل يا سيدي وما هذا الذي تمسك به؟ فأجاب : زوجة حمد يا سيدي

ساذج وقع إبنه في خزان راح يستناه على الحنفيه

صعيدي في الشرطة قبض على خروف، بياكل حشيش

واحد مجنون اتفق مع واحد اعمى على انهم يعملو مشروع طعمية قاعدين بالطاسه وفيها زيت بيغلى الاعمى يعمل الطعمية ويرميها برة الطاسة والمجنون يقولو تشششش

مرة اربع صاعيدة داخلين امتحان فاجلهم سؤال فى الامتحان وهو كام عددارجل المعزة فاكولوا سأل صاحبهم حسنين ووما كنش بيرد عليهم فالما خلص الامتحان قالولو انتا ما قولتيلناش لية قال لوهم المراقب كان جنبى ومعرفتيش اطلع المعزة هههههههه

الدكتور:حماتك بقلها أسبوع و تموت
الرجل:مش كتير أوي كدة

مره صرصار حب يشوف فيلم شاف مبيد حشارات قال

لالالالالالالالالالالالالاه من اولها رعب

سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي

اتنين سكرانين واحد بيقول للتاني ايه اخبار صحتك فقال له زي البمب

فقا له التاني يا نهار اسود طيب ابعد لحسن تفرقع فينا

اتنين صاعيدة بيلعبوا على الطريق اللى تخبطة العربية مرتين يكسب
الى هنا انتهى الموجز اتمنى من الله ان تكون هذه النكت سببا فى ارتسام البسمه على وجوهكم فنحنا بحاجه اليها