مين زعلان؟ انت زعلان؟ انت زعلانه؟ لييييييه الزعل ؟.........ارجوا التثبيت

من طرف lovly girl الأحد يوليو 12, 2009 3:48 am

مين زعلان ؟؟
انت زعلان ؟؟
انتي زعلانه ؟؟
انتو زعلانين ؟؟
ليه الزعل ؟؟

انت حظك تعيس؟؟
انتي حزينة؟؟
انتو ضايعين؟؟
طيب ليه انا مش زعلانه ؟؟
طيب انا مرات بزعل .. واوقات حظي بيكون تعيس كتير.. واحيانا بحس بنفسي ضايعه..
بس ليه ازعل ؟؟
انا اؤمن بالله
اذا انا املي في الله كبيـــــــــــــــــــــر اوي

انا اؤمن بالقضاء والقدر
اذا انا ضميري مرتاح
انا اؤمن بالنصيب
اذا انا لازم اعمل واجتهد واتوكل على الله

بس كمان يمكن في منكم اللي بيؤمن بكل الاشياء دي بس برضو زعلان

طيب انا عندي حل بسيط
الله سبحانه وتعالى يقول " قل لن يصيبنا الا ما كتب الله لنا "
ودائما بنسمع ( اعقلها وتوكل )
وكمان بنقول ( العبد في التفكير والرب في التدبير )

طيب ليه الزعل ؟؟ بالعكس لازم تصبر وتكون نفسك مفتوحه دائما لكل حاجة وتكون مبسوط
واصحى .. اصحى .. اصحى .. تحط ايدك على خدك وتقول ( دا نصيبي )

اعمل وانت مقتنع انو ممكن تفشل وممكن تنجح
عشان لولا قدر الله فشلت ما تنصدم وتقول نصيبي.

طيب احكيلكم حاجة

كل يوم من ايام حياتك سجل عندك في سجل كل شيء بتعمله وعملته في هذا اليوم كل شيء .. كل شيء
بعدين هتلاحظ ان سجلك بيكبر شوية شوية مع الايام
بعد فترة او بعد شهر راجع السجل .. هتلاقي نفسك عملت كتير

بعد ما تدرس السجل وتعرف كل الي فيه ... شوف كل حاجة انت عملتها هل كان ليها اثر سلبي عليك او على غيرك
لو لاقيت ان الحاجة دي مش نافعة معاك حط عليها دائرة عشان تفضل فاكر انك مش هترجع وتعملها تاني

والاشياء الي كان ليها اثر ايجابي وكويس عليك وعلى غيرك لونها وتذكرها وهتحس انك معتز بيها
وكده هتكون بتعمل لنفسك دعم وانت مش عارف.

يمكن كلامي يكون بسيط اوي بس بتمنى انه يكون ليه فائده عليكم وخصوصا على كل واحد زعلان

لازم نمشي بالحياة واحنا مقتنعين انها حلوة
نمشي واحنا راضيين عن حالنا وعن قدرنا
نمشي من غير ما نبص للورا وان كان في طريقك حجر شيله ولو ما قدرتش اتسلق عليه واعبر وتذكر ان الحياة دائما هتحطك قدام الصعب بس ما تستسلمش وتابع خطواتك لحد ما توصل لهدفك

وشيل الزعل عنك عشان مش هفيذك هياذيك بس وحط قصادك ديما "ان لا يصيبنا الا ما كتب الله لنا"