تقدر تعترف بعيوبك

السلام عليكم ورحمة الله وبركاته


فى موضوع حبيت انى اناقشه معاكم


كلنا بنحب نمدح بنفسنا لما نتكلم سواء كان ده بشكل مباشر
او غير مباشر ...
يعني الواحد دايما بيحب يذكر مميزاته وبيفتخر بيها وبيكون سعيد
لما يلاحظها كل اللى حواليه وامثلة المميزات اللى الناس بتحبها كتير
وكل واحد بيتمنى انها تكون فيه ...
مش جميل ان اى شخص يفضل يمدح فى نفسه دايما
لكن مش وحش انه يعترف بمميزاته
ولكن ممكن يكون فى شخص بيعترف بعيوبه ؟
أكيد فى
رغم أنه صعب لأنه محتاج لدرجه عاليه من الموضوعيه مع الذات
بس بنلاقى انه كتير لما يتكلم شخص عن عيوبه بيكون بيمدح فى نفسه بطريق غير مباشر
يعني مثلا انه يقولك انا اسوأ طبع فيا اني طيب اكثر من اللازم
او اني بسامح كثير او بحسن الظن في الناس لانه بيشوفها عيب
من وجهة نظره .
عشان كده انا حبيت اعرف مين عنده الجرأة انه يقول عن اسوأ
عيوبه ويكون فعلا العيب ده طبع سيئ ونفسه يتخلص منه
خاصة ان الطبيب النفسى لما بيعالج مرضاه بيوجههم بيعيوبهم وبيقنعهم بيها وبداية طريق العلاج هو اعتراف المريض بعيوبه
ومين عارف يمكن دي هتكون فرصة ان احنا نعرف عيوبنا ونحاول
نحسنها شويه او نتخلص منها نهائي ان شاء الله

وهكون انا اول واحده تعترف بعيوبها
واكبر عيب فى انى مش أعرف أسامح اى حد خاصة لما يكون غلط غلط كبير ممكن افتكره طول عمرى حتى لو اعتذر او ندم
وده عيب لان كلنا بشر ولازم نسامح

منتظره ردودكم واعترافات كل واحد بعيب نفسه يغيره

انا عصبييييييييييييييه جداااااااااااااا
يمكن ده عيبى
نايس توبيك

ميرسى على مرورك

انا متسرع جدااااااااااااااااااااااااااااااااااااااااااا

انى بتثبت بسرعة اوى من اى حد حتى لو كان عامل فى اية معايا ودة عيب